Mohabbat tark ki mene, garebaan si liya mene,
Zamane ab to khush ho zeher yeh bhi pi liya mene,
Abhi zinda hoon magar sochta rehta hoon khalvat me,
Ke ab tak kis tamanna ke sahare ji liya mene,
Unhe apna nahin sakta magar itna bhi kya kamm hai,
Ke kuch muddat haseen khawbon mein kho ker ji liya mene,
Bass ab to daaman-e-dil chorr do bekaar umeedo,
Bohat dukh seh liye mene, bohat din ji liya mene..
No comments:
Post a Comment